સાંજે 5 વાગ્યા સુધીમાં ત્રિપુરા, મણિપુરમાં સૌથી વધુ 76 ટકા મતદાન: ઉત્તરપ્રદેશમાં સૌથી ઓછું 52 ટકા વોટિંગ
- 26 Apr, 2024
લોકસભા ચૂંટણી 2024ના બીજા તબક્કા માટે આજે સવારે 7 વાગ્યાથી મતદાન શરૂ થઈ ગયું છે. બીજા તબક્કામાં 13 રાજ્યો અને કેન્દ્ર શાસિત પ્રદેશોની 89 લોકસભા સીટ પર મતદાન ચાલી રહ્યું છે. લોકસભા ચૂંટણીના બીજા તબક્કામાં કેરળની તમામ 20 સીટો પર વોટિંગ થયું છે. તેમાં રાહુલ ગાંધીની વાયનાડ સીટ પણ સામેલ છે. સાંજે 5 વાગ્યા સુધીમાં ત્રિપુરા, મણિપુરમાં સૌથી વધુ 76 ટકા મતદાન થયું છે. જ્યારે ઉત્તરપ્રદેશમાં સૌથી ઓછું 52 ટકા વોટિંગ થયું હતું. સમાજવાદી પાર્ટીએ ગ્રેટર નોઈડા-બાગપતમાં ઈવીએમ ખરાબ થવા અંગેની ફરિયાદ ચૂંટણી આયોગને કરી હતી.
સવારે નવ વાગ્યા સુધીમાં વિવિધ રાજ્યોમાં થયેલું મતદાન
ત્રિપુરા- 16.55 ટકા
પશ્ચિમ બંગાળ- 15.68 ટકા
છત્તીસગઢ- 15.42 ટકા
મણિપુર-14.80 ટકા
મધ્યપ્રદેશ- 13.82 ટકા
કેરળ- 11.90 ટકા
રાજસ્થાન- 11.77 ટકા
ઉત્તરપ્રદેશ- 11.67 ટકા
કર્ણાટક- 9.21 ટકા
જમ્મુ-કાશ્મીર- 10.39 ટકા
અસમ- 9.15 ટકા
બિહાર- 9.65 ટકા
મહારાષ્ટ્ર- 7.45 ટકા
લોકસભા ચૂંટણીના બીજા તબક્કાના વોટિંગ માટે અગ્રણી ઉમેદવારોની યાદીમાં રાજનાંદગાવથી ભૂપેશ બધેલ, બેંગલુરુ ગ્રામીણથી ડી કે સુરેશ, બેંગલુરુ ઉત્તરથી શોભા કરંદલાજે, બેંગલુરુ દક્ષિણથી તેજસ્વી સૂર્યા, માંડ્યાથી એચડી કુમારસ્વામી, વાયનાડથી રાહુલ ગાંધી, પથાનામથિટ્ટાથી અનિલ એન્ટોની, તિરુવનંતપુરથી શશિ થરુર અને રાજીવ ચન્દ્રશેખર સામેલ છે. બીજા તબક્કામાં લડનારા ઉમેદવારોમાં જોધપુરથી ગજેન્દ્ર સિંહ શેખાવત, જાલૌરથી વૈભવ ગહલોત, મથુરાથી હેમા માલિની, મેરઠથી અરુણ ગોવિલ સામેલ છે.
બીજા તબક્કાના વોટિંગમાં બિહારની ત્રણ સીટ કિશનગંજ, કટિહાર, પૂર્ણાય, ભાગલપુર પર ચૂંટણી થઈ રહી છે. છત્તીસગઢથી રાજનાંદગાવ, મહાસમુંદ, કાંકેર સીટ પર ચૂંટણી થશે. મધ્યપ્રદેશની ટીકમગઢ, દમોહ, ખજુરાહો, સતના, રીવા, હોશંગાબાદ, બૈતૂલ, લોકસભા સીટો પર લોકો વોટિંગ કરી રહ્યાં છે. મહારાષ્ટ્રના બુલઢાણા, અકોલા, અમરાવતી, વર્ધા, યવતમાલ વાશિમ, હિંગોલી, નાંદેડ, પરભણી સીટ પર ચૂંટણી થઈ રહી છે.
બીજા તબક્કામાં રાજસ્થાનની ટોંક-સવાઈ માધોપુર, અજમેર, પાલી, જોધપુર, બાડમેર, જાલૌર, ઉદયપુર, બાંસવાડા, ચિતૌડગઢ, રાજસમંદ, ભીલવાડા, કોટા, ઝાલાવાડ-બારાં લોકસભા સીટો પર મતદાન થશે. પશ્ચિમ બંગાળની દાર્જિલિંગ, રાયગંઢ, બાલુરઘાટ લોકસભા સીટ પર મતદાન થશે. ઉત્તરપ્રદેશની અમરોહા, મેરઠ, બાગપત, ગાજિયાબાદ, ગૈતમબુદ્ધા નગર, બુલંદશહર, અલીગઢ, મુથરામાં પણ વોટિંગ થઈ રહ્યું છે.
દક્ષિણના રાજ્ય કેરળની તમામ સીટો પર બીજા તબક્કા દરમિયાન મતદાન થશે. જ્યારે કર્ણાટકની ઉડ્ડપી ચિકમંગલૂર, હસન, દક્ષિણ કન્નાડ, ચિત્રદુર્ગ, તુમકુર, માંડ્યા, મૈસૂર, ચામરાજનગર, બેંગલુરુ ગ્રામીણ, બેગલુર ઉત્તર, બેંગલુરુ સેન્ટ્રલ, બેંગલુરુ દક્ષિણ, ચિકબલ્લાપુર, કોલાર સીટ પર મતદાન થઈ રહી રહ્યું છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ